Личный помощник генерального директора

Şirkət: Auto Azerbaijan

Vəzifənin məqsədi

CEO-nun gündəlik fəaliyyətinin təşkili, rəhbərlik tərəfindən verilən tapşırıqların icrasının koordinasiyası və şirkət üzrə müxtəlif layihələrin planlaşdırılaraq sonadək tamamlanmasının təmin edilməsi.

Vəzifə ənənəvi assistentlik funksiyaları ilə yanaşı, icraçı layihə menecmenti və biznes proseslərinin koordinasiyasını əhatə edir.

Əsas vəzifə öhdəlikləri

• CEO tərəfindən verilən tapşırıqları fəaliyyət planına çevirmək, prioritetləri və icra müddətlərini müəyyənləşdirmək.
• Layihələrin icrasını planlaşdırmaq, prosesə nəzarət etmək və nəticələrin vaxtında əldə olunmasını təmin etmək.
• Müxtəlif departamentlər, əməkdaşlar və xarici tərəfdaşlar arasında koordinasiyanı həyata keçirmək.
• Tapşırıqların icra vəziyyətini izləmək, gecikmə risklərini müəyyənləşdirmək və problemlərin həlli üçün təşəbbüs göstərmək.
• CEO üçün hesabatlar, təqdimatlar, analitik materiallar və qərarverməni dəstəkləyən məlumatlar hazırlamaq.
• CEO-nun görüşlərini, iş qrafikini və prioritetlərini təşkil etmək, görüşlərdə qəbul edilən qərarların icrasını izləmək.
• Digər biznes unit-lərdəki proseslərin optimizasiyasına dəstək, lazımi addımların atılması və hesabatlılığın təqdim olunması.
• Xarici kontragentlərlə ingilis və rus dillərində işgüzar yazışmaları və görüşlərin koordinasiyasını həyata keçirmək.
• Şirkətin biznes proseslərini, xüsusilə avtomobil sektorunun satış, servis və distribütorluq fəaliyyətlərinə hakim olmaq
• Tapşırıqların və layihələrin izlənilməsi üçün rəqəmsal alətlərdən istifadə etmək, iş proseslərinin optimallaşdırılmasına töhfə vermək.
• Məxfi məlumatların qorunmasını, biznes etikası və korporativ davranış standartlarına riayət olunmasını təmin etmək.

Namizədə dair tələblər

• Ali təhsil; biznesin idarə edilməsi, menecment, iqtisadiyyat və əlaqəli sahələr üzrə təhsil üstünlükdür.
• Layihə idarəetməsi, biznes əməliyyatları, rəhbər assistentliyi və ya koordinasiya sahələrində iş təcrübəsi üstünlükdür.
• Korporativ davranış qaydaları və korporativ mədəniyyətlə tanışlıq üstünlükdür.
• İngilis və rus dillərində yüksək səviyyədə yazılı və şifahi ünsiyyət bacarığı.
• Rəqəmsal alətlər və süni intellekt həllərindən effektiv istifadə bacarığı.
• Biznes proseslərini sürətlə mənimsəmək və analitik düşüncə əsasında qərar vermək bacarığı.
• Güclü planlaşdırma, prioritetləşdirmə və problem həll etmə bacarıqları.
• Yüksək məsuliyyət, təşəbbüskarlıq, operativlik və detallara diqqət.
• Yüksək biznes etikası, məxfilik və peşəkar kommunikasiya bacarıqları.

Əsas kompetensiyalar

• İş bitiricilik: Tapşırıqları nəzarətsiz də sonadək çatdırmaq və nəticəyə cavabdehlik.
• Proaktivlik: Problemləri əvvəlcədən müəyyənləşdirmək və həll yolları təklif etmək.
• Layihə idarəetməsi: Tapşırıqları planlaşdırmaq, məsul şəxsləri koordinasiya etmək və icranı izləmək.
• Biznes düşüncəsi: Şirkətin fəaliyyətini və biznes prioritetlərini anlamaq.
• Etibarlılıq: Məxfi məlumatlarla məsuliyyətlə işləmək və peşəkar davranış nümayiş etdirmək.