Специалист по развитию бизнеса и корпоративным продажам

İş haqqında məlumat

Modern Solutions MMC olaraq şirkətlər qrupumuzun inkişaf strategiyasının həyata keçirilməsində iştirak edəcək, yeni biznes imkanlarını araşdıracaq, korporativ müştəri bazasını genişləndirəcək və satışların artırılmasına töhfə verəcək təşəbbüskar, analitik düşüncəli və nəticəyönümlü mütəxəssis axtarırıq.

Biz yalnız satış həyata keçirən deyil, bazarı analiz edən, yeni inkişaf istiqamətlərini müəyyənləşdirən, biznes tərəfdaşlıqları quran və şirkətlərimizin böyüməsinə real töhfə verə biləcək əməkdaş axtarırıq.
İş şəraiti və əmək haqqı

• İş yeri: Bakı şəhəri;
• İlkin sabit əmək haqqı: 700–1 000 AZN;
• Əlavə olaraq satış nəticələrinə əsaslanan bonus sistemi;
• Əməkdaşın peşəkar fəaliyyəti və əldə etdiyi nəticələrə əsasən gələcəkdə əmək haqqının artırılması imkanı;
• Şirkətlər qrupunun müxtəlif biznes istiqamətlərində təcrübə qazanmaq və peşəkar inkişaf imkanı;
• Yeni biznes layihələrinin və inkişaf təşəbbüslərinin həyata keçirilməsində iştirak imkanı.

Vəzifə öhdəlikləri

1. Biznesin inkişafı və strateji planlaşdırma

• Şirkətlərin mövcud fəaliyyət istiqamətlərinin təhlili və inkişaf imkanlarının müəyyənləşdirilməsi;
• Bazarın, rəqiblərin və müştəri tələbatının mütəmadi araşdırılması;
• Yeni biznes imkanlarının, məhsul və xidmət istiqamətlərinin müəyyən edilməsi;
• Satış həcminin və bazar payının artırılması istiqamətində təkliflərin hazırlanması;
• Yeni bazarlara və müştəri seqmentlərinə çıxış imkanlarının araşdırılması;
• Mövcud biznes proseslərinin təkmilləşdirilməsi üzrə təşəbbüslərin irəli sürülməsi;
• İnkişaf planlarının hazırlanmasında və icrasında rəhbərliklə birgə iştirak.

2. Korporativ satış və müştəri əlaqələri

• Yeni potensial korporativ müştərilərin müəyyənləşdirilməsi və cəlb edilməsi;
• Potensial müştəri bazasının yaradılması və mütəmadi genişləndirilməsi;
• Şirkət rəhbərləri, satınalma şöbələri və qərarverici şəxslərlə əlaqələrin qurulması;
• Korporativ görüşlərin, təqdimatların və danışıqların təşkili;
• Müştəri ehtiyaclarının öyrənilməsi və uyğun xidmətlərin təklif olunması;
• Kommersiya təkliflərinin hazırlanması və təqdim edilməsi;
• Satış prosesinin ilkin əlaqədən müqavilənin bağlanmasına qədər izlənilməsi;
• Mövcud müştərilərlə əməkdaşlığın genişləndirilməsi və uzunmüddətli münasibətlərin qurulması.

3. Biznes tərəfdaşlıqları və yeni satış kanalları

• Şirkətlər üçün yeni strateji və kommersiya tərəfdaşlarının müəyyənləşdirilməsi;
• Avtomobil salonları, avadanlıq təchizatçıları və digər biznes subyektləri ilə əməkdaşlıq imkanlarının araşdırılması;
• Korporativ satış kanallarının genişləndirilməsi;
• Birgə layihələrin, tərəfdaşlıq proqramlarının və yeni əməkdaşlıq modellərinin hazırlanması;
• Yerli və beynəlxalq biznes əlaqələrinin inkişaf etdirilməsi;
• Yeni tərəfdaşlıq imkanlarının kommersiya nəticəsinə çevrilməsi istiqamətində fəaliyyətin təşkili.

4. Marketinq və satış fəaliyyətinin koordinasiyası

• Digital Marketing & SMM mütəxəssisi ilə koordinasiyalı fəaliyyət;
• Reklam və marketinq kampaniyaları üçün hədəf müştəri seqmentlərinin müəyyənləşdirilməsi;
• Marketinq kanallarından daxil olan potensial müştərilərlə satış prosesinin aparılması;
• Yeni məhsul və xidmətlərin bazara təqdim olunması üzrə təkliflərin hazırlanması;
• Satış və marketinq fəaliyyətinin nəticələrinin təhlili;
• Müştəri cəlbinin artırılması istiqamətində yeni ideyaların hazırlanması.

5. Analitika və hesabatlılıq

• Satış göstəricilərinin, müştəri bazasının və biznes inkişafı nəticələrinin izlənilməsi;
• CRM və digər vasitələrlə müştəri əlaqələrinin qeydiyyatının aparılması;
• Rəqib şirkətlərin qiymət və xidmət siyasətinin müqayisəli təhlili;
• Aylıq fəaliyyət hesabatlarının hazırlanması və rəhbərliyə təqdim edilməsi;
• Aşkar edilmiş problemlər üzrə konkret həll və inkişaf təkliflərinin hazırlanması.