Специалист отдела кадров

Enerji Məsələlərini Tənzimləmə Agentliyi (EMTA) İnsan resursları şöbəsinin mütəxəssisi vakant vəzifəsi üzrə sənəd qəbulu elan edir.

VƏZİFƏ ÖHDƏLİKLƏRİ:

• Şöbənin Əsasnaməsinə əsasən müəyyən edilmiş vəzifələrin icrasını həyata keçirir;

• Əmək qanunvericiliyi ilə müəyyən edilmiş qaydada Agentliyin kadr məsələlərinin rəsmiləşdirilməsini, o cümlədən vəzifəyə təyin, azad edilmə, bir iş yerindən başqasına keçirilmə, vəzifə artımı və s. üzrə aidiyyəti işləri yerinə yetirir;

• Şöbədə kargüzarlıq işlərini qanunvericiliyə uyğun aparır, işçilərin şəxsi işlərini formalaşdırır və aparır;

• İnsan resurslarının idarə edilməsi ilə bağlı normativ sənədlərin hazırlanmasında iştirak edir;

• Kadrların seçilməsi və düzgün yerləşdirilməsini təmin edir;

• Kadr axınını təhlil edir və tələbə uyğun potensial ehtiyat işçi bazası üçün məlumatları təqdim edir;

• Yeni əməkdaşlar üçün adaptasiya tədbirlərini həyata keçirir;

• Daxili intizam qaydalarına əməl edilməsinə nəzarət edir;

• Agentlikdə işçilərin əmək fəaliyyətinin və peşəkarlıq səviyyəsinin qiymətləndirilməsinin keçirilməsi ilə əlaqədar üzərinə düşən vəzifələri yerinə yetirir, tələb edilən materialları hazırlayır, qiymətləndirmə işinin təşkilində iştirak edir;

• Agentliyin fəaliyyət sahələrinə uyğun mütəxəssislərin inkişaf etdirilməsi və təlimi proqramları, işçilərin

• mükafatlandırılması və motivasiya tədbirlərinin həyata keçirilməsi ilə əlaqədar üzərinə düşən vəzifələri yerinə yetirir;

• İşçilərə məzuniyyətlərin verilməsinin uçotunu aparır, məzuniyyətdən vaxtında, tərtib edilmiş qrafik üzrə istifadə edilməsinə nəzarət edir;

• Kadrlar üzrə hesabatları, iş vaxtının uçotu tabellərini tərtib edir;

• Agentliyin kadrlar üzrə aidiyyəti əmr və göstərişlərinin layihələrini əmək qanunvericiliyinə uyğun tərtib edir;

• Agentliyin insan resurslarının informasiya sisteminə (1С və s.) və elektron hökumət portalına kadr məlumatlarını, o cümlədən əmək müqavilələrinin rəsmiləşdirilməsi, uzadılması, onlara əlavə və dəyişikliklərin edilməsi, xitamı, işçilərin yerdəyişməsi və hərəkəti barədə məlumatları daxil edir, vaxtı-vaxtında qeydiyyatını aparır, sistemdən lazımi çıxarışların uçotunun aparılmasını və arxivləşdirilməsini həyata keçirir;

• Şöbənin qarşısına qoyulan vəzifələri yerinə yetirmək üçün səlahiyyətləri daxilində Agentliyin digər strukturlarından zəruri məlumat və sənədlərin alınması üçün müraciət edir;

• Şöbəyə daxil olan ərizə, müraciət, təklif və şikayətlərin araşdırılması və cavablandırılması işində iştirak edir;

• İşçilərin performans göstəricilərinin ölçülməsi və qiymətləndirilməsində prosesində iştirak edir;

• Şöbə müdiri tərəfindən verilən tapşırıq və vəzifələri icra edir;

• Şöbə müdirinin tapşırığı ilə hesabatlar, arayışlar və məlumatlar hazırlayır;

• Şöbənin Əsasnaməsi ilə üzərinə düşən vəzifələrin icrası məqsədi ilə qanunvericiliklə qadağan edilməyən digər zəruri işləri yerinə yetirir.

TƏLƏBLƏR:

• Ali təhsil (İnsan Resursları və Biznesin idarə olunması sahələri üzrə təhsil üstünlükdür) ;

• Müvafiq sahə üzrə 1- 3 il iş təcrübəsi;

• Yaş həddi 25-40 aralığı;

• MS Office proqramları və avtomatlaşdırılmış əməliyyat sistemlərində səriştəli iş təcrübəsi (1C (8.3 UPP) proqramı

• üzrə təcrübə arzuolunandır);

• Azərbaycan dilini səlis bilməli, rus və ingilis dilləri arzuolunandır;

• Kadr sənədləşməsinin aparılması (əmrlər, şəxsi işlər və s.);

• Adaptasiya, qiymətləndirmə və inkişaf proseslərinin təşkili üzrə təcrübə;

• Əməkhaqqı, məzuniyyət, ezamiyyə xərcləri və iş vaxtının uçotu üzrə əsas biliklər;

• Analitik düşünmə və hesabat hazırlamaq bacarığı;

• İşçilərin performans göstəricilərinin ölçülməsi və qiymətləndirilməsi üzrə iş təcrübəsi;

• Rəqəmlərlə işləmə bacarığı;

• Fikrini düzgün ifadə etmə və savadlı yazı qabiliyyəti;

• Komandada işləmə bacarığı.

DİGƏR:

• Əmək bazarına uyğun rəqabətli əmək haqqı və mükafatlandırma.

• İş yerinin ünvanı: Bakı şəhəri, Üzeyir Hacıbəyov küçəsi, 84.

Müraciətin mövzu hissəsinə mütləq şəkildə vakansiyanın adını (İnsan resursları şöbəsi - Mütəxəssis) qeyd edin.

Son müraciət tarixi: 25.10.2026