Менеджер по безопасности пищевых продуктов и качеству

İş qrafiki: Tam iş günü 5 günlük

İş yeri: Şirkətin və Müştərilərin istehsalat sahələri və restoranları (zərurət yarandıqda digər obyektlərə ezamiyyətlər)

Əsas funksional öhdəliklər və gündəlik tapşırıqlar:

Sistem və Standartların Qurulması:

• Beynəlxalq qida təhlükəsizliyi standartlarına (HACCP, ISO 22000 və s.) uyğun olaraq istehsal proseslərinin qurulmasını, tətbiqini və optimizasiyasını təmin etmək;
• İstehsalat sahələrində vahid standartların, prosedurların (SOP) və HACCP üzrə kritik nəzarət nöqtələrinin monitorinq planlarının hazırlanmasını təşkil etmək;
• Xammalın qəbulundan son məhsulun təqdimatına qədər bütün mərhələlər üzrə keyfiyyət nəzarət sistemini qurmaq;
• İstehsal sahələrinin daha səmərəli istifadəsi, məhsuldarlığın artırılması və itkilərin azaldılması üzrə təkliflər hazırlamaq.

Gündəlik Nəzarət və Monitorinq:

• İstehsalat sahələrində iş günü başlanğıcında sanitariya vəziyyətini, işçilərin şəxsi gigiyenasını, xüsusi geyim tələblərini və davamiyyəti yoxlamaq;
• Soyuducu, dondurucu və digər sahələrdə temperatur rejimlərini, nəzarət qeydlərini və qida təhlükəsizliyi göstəricilərini daimi izləmək;
• Xammal və yarımfabrikatların anbardan istehsalata FIFO/FEFO prinsiplərinə uyğun buraxılmasına, etiketlənməyə və partiya izləniləbilənliyinə nəzarət etmək;
• Məhsulların reseptura, texnoloji xəritə, çıxış norması, dad, görünüş, tekstura və təqdimat standartlarına uyğun hazırlanmasını izləmək;
• Çarpaz çirklənmə risklərini, allergen idarəetməsini və təmiz/çirkli axın ayrımını gündəlik yoxlamaq.

Audit, Təlim və Dövlət Qurumları ilə İş:

• Mövcud proseslərin kompleks auditini (planlı və plansız yoxlamalar) təşkil etmək, riskləri müəyyən edərək inkişaf planları hazırlamaq;
• Xammal, yarımfabrikat və hazır məhsul üzrə keyfiyyət uyğunsuzluqları aşkar etdikdə dərhal müdaxilə etmək, məhsulu ayırmaq və düzəldici/qabaqlayıcı tədbirlər görmək;
• Restoran və istehsalat heyəti üçün qida təhlükəsizliyi və keyfiyyət standartları üzrə təlim proqramları hazırlamaq və keçirilməsini təmin etmək;
• Dövlət qurumları ilə qarşılıqlı əlaqəni təşkil etmək, yoxlamalar zamanı şirkəti və Müştəriləri təmsil edərək yoxlamaların uğurla keçməsini təmin etmək;
• Qida təhlükəsizliyi və keyfiyyət üzrə sənədləşmənin aparılmasını və normativ tələblərə uyğunluğunu təmin etmək.

Namizədə dair tələblər:

• Təhsil: Qida mühəndisliyi, Kimya, Biologiya və ya aidiyyəti sahə üzrə ali təhsil;
• İş təcrübəsi: Qida sənayesi, istehsalat və ya iaşə (restoran) sektorunda Qida təhlükəsizliyi və keyfiyyətə nəzarət sahəsində menecer olaraq ən azı 3-5 il iş təcrübəsi;
• Sertifikatlar: ISO 22000 və HACCP standartları üzrə sertifikatların olması mütləqdir;
• Qanunvericilik bilikləri: Azərbaycan Respublikasının qida təhlükəsizliyi sahəsindəki qanunvericilik aktlarını, AQTA (Azərbaycan Qida Təhlükəsizliyi Agentliyi) tələblərini və normativ-hüquqi sənədlərini mükəmməl bilmək;
• Şəxsi keyfiyyətlər: Yüksək liderlik, komanda idarəetməsi, operativ qərarvermə və funksional koordinasiya bacarıqları; risklərin analizi və problem həlletmə qabiliyyəti;
• Dil bilikləri: Azərbaycan dili (mükəmməl), İngilsi və Rus dili biliyi arzuolunandır

Şirkət təklif edir:

• Azərbaycan Respublikası Əmək Məcəlləsinə uyğun olaraq rəsmiləşdirilmə;
• Peşəkar komandada işləmək və karyera baxımından inkişaf imkanları;
• Rəqabətqabiliyyətli əməkhaqqı (müsahibə əsasında namizədin bilik və bacarıqlarına uyğun olaraq müəyyən ediləcək).

Qeyd olunan tələblərə cavab verən namizədlər öz ərizə formalarını (CV) “Qida Təhlükəsizliyi və Keyfiyyət üzrə Menecer” mövzusu altında Müraciət et düyməsində qeyd olunan elekton ünvanına göndərə bilərlər.