Менеджер фронт-офиса и офиса

ARI Xaricdə Təhsil Mərkəzi və BDM Beynəlxalq Dil Mərkəzi komandamıza Front Office & Office Manager vəzifəsinə əməkdaş axtarır.

Namizəd şirkətə daxil olan fiziki müraciətlərin, telefon zənglərinin, WhatsApp və digər onlayn müraciətlərin qəbulunu və idarə edilməsini, həmçinin ofisin gündəlik inzibati işlərinin koordinasiyasını həyata keçirəcək.

Bu vəzifə yalnız resepsion işi deyil. Namizəd həm müştəri qəbulu və CRM prosesinə, həm də ofisin gündəlik təşkilinə cavabdeh olacaq.

Əsas Vəzifə Öhdəlikləri

• Ofisə fiziki olaraq müraciət edən müştəriləri qarşılamaq və ilkin ehtiyaclarını müəyyənləşdirmək;
• Telefon zənglərini, WhatsApp və digər müraciətləri qəbul etmək;
• Müştərilərin müraciətlərini CRM sistemində qeydiyyata almaq;
• Müştərinin real ehtiyacını müəyyənləşdirmək və düzgün şöbəyə yönləndirmək;
• Müştəriləri Tədris, Xaricdə Təhsil və digər aidiyyəti şöbələrə düzgün yönləndirmək;
• Müştərinin müraciətinin nəticəsini və follow-up prosesini izləmək;
• Cavabsız qalan və geri dönüş gözləyən müştəriləri müəyyənləşdirmək;
• Müştərilərlə ilkin konsultasiya və məlumatlandırma prosesini həyata keçirmək;
• Müştəri məlumatlarının CRM-də tam və düzgün qeyd olunmasını təmin etmək;
• Gündəlik və həftəlik müştəri müraciətləri üzrə hesabat hazırlamaq;
• Direktor müavininə / İcraedici İdarəçiyə müraciətlər və müştəri axını barədə məlumat vermək;
• Ofisin ümumi səliqə və təmizliyinə nəzarət etmək;
• Təmizlik işlərinin vaxtında həyata keçirilməsini izləmək;
• Ofisin gündəlik ehtiyaclarını müəyyənləşdirmək;
• Ofis avadanlıqları və texniki problemləri vaxtında müəyyən etmək və rəhbərliyə məlumat vermək;
• Ofisin açılış və bağlanış prosesinə nəzarət etmək;
• Görüşlərin, konsultasiyaların və qonaqların qəbulunun təşkilini koordinasiya etmək;
• Yeni əməkdaşların ofisə uyğunlaşması və ilkin inzibati ehtiyaclarının təşkilinə kömək etmək;
• Ofisdə gündəlik inzibati işlərin düzgün və fasiləsiz həyata keçirilməsini təmin etmək;
• Şöbələr arasında müştəri məlumatlarının düzgün ötürülməsinə nəzarət etmək;
• Rəhbərliyin verdiyi digər inzibati və təşkilati tapşırıqları icra etmək.

Namizədə Tələblər

• Ali təhsil;
• Müştəri xidməti, Front Office, Office Manager, Administrator, satış və ya oxşar sahədə iş təcrübəsi;
• Azərbaycan dilində səlis danışıq və yazı bacarığı;
• Güclü kommunikasiya və müştəri ilə düzgün ünsiyyət qurmaq bacarığı;
• Səliqəli, məsuliyyətli və operativ olmaq;
• Yüksək təşkilatçılıq qabiliyyəti;
• Eyni anda bir neçə işi idarə etmək bacarığı;
• MS Office proqramlarından istifadə bacarığı;
• CRM sistemləri ilə işləmək bacarığı və ya bu sistemləri qısa müddətdə öyrənmək qabiliyyəti;
• Telefon və WhatsApp üzərindən peşəkar kommunikasiya bacarığı.

Üstünlük Hesab Olunur

• Təhsil mərkəzində iş təcrübəsi;
• Dil kurslarında iş təcrübəsi;
• Xaricdə təhsil sahəsində iş təcrübəsi;
• Satış və müştəri xidməti təcrübəsi;
• CRM proqramları ilə iş təcrübəsi;
• İngilis və ya Alman dili biliyi.

İş Şərtləri

• İş yeri: Bakı
• Vəzifə: Front Office & Office Manager
• İş qrafiki: 6 günlük iş qrafiki
• Əmək haqqı: Müsahibə mərhələsində müzakirə olunacaq.

Biz Nə Təklif Edirik?

• Stabil əmək haqqı;
• Peşəkar inkişaf və karyera imkanları;
• Təhsil və dil sektorunda inkişaf edən komandada çalışma imkanı;
• Təlim və inkişaf imkanları;
• Nəticələrə əsaslanan karyera yüksəlişi.

Maraqlanan namizədlər öz CV-lərini Müraciət et düyməsində qeyd olunan elektron poçt ünvanına göndərə bilərlər.

Mövzu hissəsində “Front Office & Office Manager” qeyd etməyiniz xahiş olunur.