Стажёр IT бизнес-аналитика

Hazırda komandamıza IT Biznes Analitik üzrə təcrübəçi axtarışındayıq. Bu təcrübə proqramı bank sektorunda biznes analitikası, layihələrin idarə edilməsi və məlumatların təhlili sahələrində praktiki təcrübə qazanmaq üçün əla fürsət təqdim edir. Uyğun namizəd biznes məlumatlarının təhlilində, trendlərin müəyyən edilməsində və biznes nəticələrinin yaxşılaşdırılması məqsədilə effektiv həllərin tətbiqinə dəstək göstərilməsində iştirak edəcək.

Vəzifə öhdəlikləri

• Biznes analitikası komandası ilə əməkdaşlıq edərək məlumatların toplanması, təhlili və şərh edilməsində iştirak etmək.
• Rəhbərlik üçün hesabatların və təqdimatların hazırlanmasına dəstək göstərmək.
• Biznes proseslərinin xəritələndirilməsi və iş axınlarının təhlilində iştirak etmək.
• Yeni layihələr üzrə tələblərin toplanmasına dəstək olmaq.
• Əsas fəaliyyət göstəricilərinin (KPI) və biznes performansını ölçən metriklərin müəyyən edilməsində iştirak etmək.
• Müştəri ehtiyacları və biznes trendləri ilə bağlı təhlillər aparmaq və müvafiq nəticələr təqdim etmək

Tələblər

• İnformasiya texnologiyaları, kompüter elmləri, biznesin idarə edilməsi və ya əlaqəli sahələr üzrə sonuncu kurs tələbəsi və ya yeni məzun olmaq. Biznes analitikası (BA) və Agile metodologiyaları üzrə kurs və sertifikatların olması üstünlükdür;
• Analitik düşünmə, problemləri strukturlaşdırma, məntiqi nəticələr çıxarma və məlumatlarla işləmək bacarığı;
• Güclü yazılı və şifahi ünsiyyət bacarıqlarına malik olmaq; Azərbaycan və rus dillərini sərbəst, ingilis dilini isə ən azı orta səviyyədə bilmək (texniki sənədlərlə işləmək üçün);
• SDLC, Agile/Scrum metodologiyaları və proseslərin modelləşdirilməsi (Flowchart, BPMN) üzrə ilkin biliklərə sahib olmaq;
• Jira, Confluence, Miro və draw.io alətləri ilə işləmək barədə ilkin biliklərin olması üstünlükdür;
• Ödəniş sistemləri və maliyyə modelləri haqqında məlumatlı olmaq üstünlükdür;
• Öyrənməyə və peşəkar inkişafa həvəsli olmaq, məsuliyyətlilik, detallara diqqət, komandada işləmək və təşəbbüskarlıq bacarıqlarına malik olmaq.

Üstünlüklər

• İnnovativ fintech həllərinin hazırlanması sahəsində praktiki təcrübə qazanmaq.
• Bacarıqlara əsaslanan təlim: Bacarıqlarınızı inkişaf etdirmək və maliyyə texnologiyaları sahəsində istifadə olunan ən son alət və proqramlaşdırma dilləri ilə tanış olmaq.
• Peşəkar inkişaf: Təcrübəli Biznes Analitiklərin keçirdiyi texniki sessiyalarda iştirak etmək.
• Əyləncə: Sosial fəaliyyətlərdə, icma tədbirlərində və networking görüşlərində iştirak etmək, həmkarlarınızla səmimi və faydalı əlaqələr qurmaq.
• Təcrübə: Biliklərinizin real peşəkar mühitdə necə tətbiq olunduğunu öyrənmək və fintech sektorunun dinamik mühiti haqqında məlumat əldə etmək.