Юрист

“Royal Sea Breeze Operation” MMC “Royalé Casino”da “Hüquqşünas” vakansiyasını elan edir.

Vəzifə öhdəlikləri:

• Müxtəlif növ kommersiya, korporativ və mülki-hüquqi müqavilələrin hazırlanması, hüquqi ekspertizasının aparılması, razılaşdırılması və icrasına nəzarət;
• Korporativ sənədlərin, o cümlədən təsis sənədlərinin, nizamnamələrin, qərarların, protokolların və etibarnamələrin hazırlanması və hüquqi baxımdan yoxlanılması;
• Şirkətin korporativ idarəetmə proseslərinə hüquqi dəstəyin göstərilməsi;
• Şirkətin təsisçiləri, iştirakçıları və digər maraqlı tərəfləri ilə bağlı korporativ hüquqi məsələlərin həlli;
• Şirkətin strukturunda və korporativ məlumatlarında baş verən dəyişikliklərin hüquqi sənədləşdirilməsinin təmin edilməsi;
• Hüquqi rəylərin, arayışların, müraciətlərin və digər hüquqi sənədlərin hazırlanması;
• Şirkətin fəaliyyətinə aid mülki, əmək və vergi hüququ məsələləri üzrə hüquqi məsləhətlərin verilməsi;
• Şirkətin maraqlarının qorunması məqsədilə iddia ərizələrinin, şikayətlərin və digər prosessual sənədlərin hazırlanması;
• Dövlət qurumları və digər aidiyyəti təşkilatlarla korporativ və hüquqi məsələlər üzrə yazışmaların aparılması;
• Hüquqi risklərin müəyyən edilməsi və onların minimuma endirilməsi istiqamətində təkliflərin hazırlanması;
• Şirkətin fəaliyyətinin Azərbaycan Respublikasının qüvvədə olan qanunvericiliyinə uyğunluğunun təmin edilməsinə hüquqi dəstəyin göstərilməsi.

​​​​​​​Namizədə dair tələblər:

• Hüquqşünaslıq ixtisası üzrə ali təhsil (bakalavr və ya magistr dərəcəsi);
• Müvafiq sahə üzrə minimum 3 il iş təcrübəsi;
• Korporativ və müqavilə hüququ üzrə biliklər, hüquqi sənədlərin hazırlanması, yoxlanılması və danışıqların aparılması sahəsində təcrübə;
• Azərbaycan Respublikasının Mülki Məcəlləsi, Əmək Məcəlləsi və Vergi Məcəlləsi üzrə biliklər;
• Hüquqi və tənzimləyici riskləri müəyyən etmək, qiymətləndirmək, minimuma endirmək və praktiki həll yolları təklif etmək bacarığı;
• Analitik düşünmə, problem həll etmə və effektiv kommunikasiya bacarıqları;
• Azərbaycan dilini mükəmməl səviyyədə bilmək;
• İngilis və rus dili bilikləri üstünlükdür;
• MS Office proqramları ilə işləmək bacarığı.

​​​​​​​​​​​​​​İş şəraiti:

• İş qrafiki: Bazar ertəsi – Cümə (5/2);
• İş yeri: Sea Breeze, Nardaran, Bakı;
• Əlavə üstünlüklər: Şirkət tərəfindən nəqliyyat və nahar ilə təmin olunma;
• Əməkhaqqı: Namizədin bilik və təcrübəsinə əsasən müsahibə zamanı müəyyən ediləcək.

Maraqlanan namizədlərdən CV-lərini mövzu hissəsində “Hüquqşünas” qeyd etməklə Müraciət et düyməsində qeyd olunan elektron poçt ünvanına göndərmələri xahiş olunur.