Консультант по продажам POS

Vəzifə öhdəlikləri

• Mağazaya daxil olan müştəriləri qarşılamaq, ehtiyaclarını müəyyənləşdirmək və tikinti-təmir materiallarının seçimi ilə bağlı peşəkar məsləhətlər vermək;
• Məhsulların keyfiyyəti, tərkibi, tətbiq qaydaları, sərfiyyat norması və istehsalçı ölkəsi barədə müştərilərə dəqiq məlumat təqdim etmək;
• Müəyyən edilmiş fərdi aylıq satış planını yerinə yetirmək, ziyarətçilərin alıcıya çevrilmə göstəricisini (Conversion Rate) artırmaq və müştərilər üçün tikinti smetalarını hesablamaq;
• Əsas məhsullarla yanaşı tamamlayıcı məhsulları (qum, plastikləşdirici, alətlər və bərkitmə vasitələri və s.) təklif etməklə orta çek məbləğinin və bir alış üzrə məhsul çeşidinin artırılmasına nail olmaq;
• Məhsulları vitrin və rəflərdə səliqəli, estetik görünüşə, daxili standartlara və planoqramaya uyğun yerləşdirmək;
• Qiymət etiketlərinin düzgün, aydın görünən və aktual olmasına nəzarət etmək;
• Yeni daxil olan tikinti materiallarının qəbulunda, sayımında və rəflərə yerləşdirilməsində iştirak etmək, zərurət olduqda mağaza əməkdaşlarına dəstək göstərmək;
• Məhsulların son istifadə tarixlərinə nəzarət etmək və FEFO prinsipinə uyğun olaraq (istifadə müddəti daha tez bitən məhsulun əvvəl satılması) satışını təmin etmək;
• Ehtiyatı azalan və ya tükənən məhsullar barədə mağaza rəhbərliyinə və ya təchizat şöbəsinə vaxtında məlumat vermək;
• Satış zalının, rəflərin və məhsulların təmizliyini, səliqəsini və nizamını daim qorumaq.

Tələb olunan tələblər və bacarıqlar

• Orta-ixtisas və ya ali təhsil;
• Tikinti materialları və ya pərakəndə satış sahəsində minimum 1 il iş təcrübəsi;
• Kompüterdən istifadə üzrə baza bilikləri;
• MS Word və Excel proqramlarında işləmək bacarığı;
• 1C satış proqramı ilə işləmək bacarığı;
• Güclü ünsiyyət və müştərilərlə işləmək bacarığı;
• Nəzakətlilik, müşahidəçilik və diqqətlilik;
• Məsuliyyətlilik və komandada işləmək bacarığı.