Специалист по развитию бизнеса

SAT Group komandasına qoşul!

• HR + B2B satış + layihə idarəetməsi
• Müasir HR texnologiyaları və 1,700+ şirkətlə işləmək imkanı
• 1,000 AZN fix + bonuslar

SAT Group 12 ildir insan kapitalının inkişafı, korporativ təlim, konsaltinq və müasir HR həlləri sahəsində fəaliyyət göstərir və bu müddət ərzində 1,700+ şirkətlə əməkdaşlıq edib.

Hazırda komandamıza həm müasir HR və qiymətləndirmə platformasının müştərilərə təqdimatı və satışını, həm də Dövlət Məşğulluq Agentliyi ilə həyata keçirdiyimiz gənclərin inkişafı və işlə təminatı layihəsini idarə edəcək mütəxəssis axtarırıq.

Bu vəzifə HR, satış və layihə idarəetməsinin kəsişməsində inkişaf etmək istəyən şəxslər üçün yaxşı imkan yaradır.

Əsas vəzifələrin

İnsan kapitalının qiymətləndirilməsi və biznes inkişafı

• Müasir HR və assessment alətlərini, o cümlədən Nartio platformasını öyrənmək;
• Potensial müştərilərin ehtiyaclarını müəyyənləşdirmək;
• Müştərilərə uyğun həllərin təqdimatını və demolarını keçirmək;
• Mövcud müştərilərlə əlaqələri və təkrar satış imkanlarını inkişaf etdirmək;
• Satış komandası ilə birlikdə yeni müştərilərin cəlb edilməsi və satış prosesinin idarə olunmasında iştirak etmək.

Burada əsas gözləntimiz məhsulu sadəcə təqdim etmək deyil, müştərinin problemini anlayaraq uyğun həll təklif etməkdir.

Dövlət Məşğulluq Agentliyi layihəsi

SAT Group bu layihə çərçivəsində 400-dən çox gəncin hazırlanmasına və işlə təmin olunmasına dəstək verib.

Sən:

• İşsiz gənclərin cəlb olunması və seçimini idarə edəcəksən;
• Namizədlərlə müsahibələr keçirəcəksən;
• DMA ilə sənədləşmə və koordinasiyanı həyata keçirəcəksən;
• Təlim qruplarının formalaşdırılmasını və təlim prosesini təşkil edəcəksən;
• Məzunların işlə təmin olunması prosesini izləyəcəksən;
• Layihənin əsas nəticələrini və göstəricilərini idarə edəcəksən.

Səndə hansı səriştələri görmək istəyirik?

• Kommunikasiya və təqdimat
• Nəticəyönümlülük
• Analitik düşüncə
• Öyrənmə çevikliyi
• Prioritetləşdirmə və vaxtın idarə edilməsi
• Təsir göstərmə və inandırma
• Komanda işi

Tələblər

• 25–35 yaş aralığı;
• Ali təhsil;
• HR, Recruitment, Talent Management, L&D, B2B satış və ya biznes inkişafı sahələrindən birində minimum 2 il təcrübə;
• Güclü kommunikasiya və insanlarla işləmək bacarığı;
• Nəticəyönümlü və təşəbbüskar yanaşma;
• Bir neçə prosesi paralel idarə edə bilmək;
• CRM və MS Office / Google Workspace bilikləri;
• Azərbaycan dilində səlis danışıq və yazı;
• İngilis dili biliyi üstünlükdür.

Nartio və digər HR alətlərini əvvəlcədən bilmək tələb olunmur. Əsas gözləntimiz yeni məhsul və prosesləri sürətlə öyrənmək və onları müştəri ehtiyacları ilə əlaqələndirə bilməkdir.

Nə təklif edirik?

• 1,000 AZN sabit əmək haqqı + bonuslar

Əlavə olaraq:

• Satış və biznes inkişafı üzrə praktiki təcrübə;
• İdarəetmə və biznes yönümlü təlimlərdə iştirak;
• Müasir HR və assessment alətləri ilə işləmək;
• 1,700 + şirkətlə işləmək təcrübəsi;
• Peşəkar və karyera inkişafı imkanları.

İş şəraiti

• İş qrafiki: 09:00–18:00
• İş formatı: Tam iş günü
• İş yeri: Bakı

Bu vəzifə kimə uyğundur?

Əgər sən HR və satışın kəsişməsində inkişaf etmək, insanlarla işləmək, müasir HR texnologiyalarını öyrənmək və real biznes nəticələri yaratmaq istəyirsənsə, səni SAT Group komandasına dəvət edirik.

CV-ni Müraciət et düyməsində qeyd olunan elektron poçt ünvanına göndərərək mövzu hissəsində “İnsan Resursları İnkişafı üzrə Mütəxəssis” qeyd edə bilərsən.

SAT Group — İnkişaf et, çox qazan!